UZTALDI GAZTETXEA DESALOJATU DUTE!!

Gaur goizean, 7ak aldera, zipaioen lau furgoneta Uztaldi gaztetxearen inguruetara gerturatu eta desalojatzeari ekin diote. Sartu ostean eraikina hormatzen hasi dira beraiekin eraman dituzten zenbait langilek. Auzoko gazte asko gerturatu dira bertara hustea salatzera eta, ohi denez, zipaioen jarrera harroputza eta bortitza jasan behar izan dute. Izan ere, txakurren presentzia nabaria izan da goiz osoan zehar inguruetan, errepidea moztearekin batera gaztetxera hurbiltzea ezinezkoa egin dute.

Azpimarratu beharra dago, gazte asanbladako kideei ez dietela materiala ateratzen utzi, barruan geratu direlarik gauza asko eta asko.

Jakingo duzuenez, orain dela hilabete batzuk okupatu zen Uztaldi gaztetxea, oso ibilbide laburra baina emankorrari hasiera emanez. Lokal hori La Caixa banketxearen jabetzakoa da. Jabetza erakunde lapur horretakoa izatearekin batera, 10 urte luze hutsik eramatea, eta auzoan gazteontzako gune autogetionatu eta liberatuen beharrak okupazioa burutzera eta proiektuari hasiera ematea bultzatu zuten.

Pasa den irailaren 5an hiru lagun deklaratu behar izan zuten epaitegietan, eta hurrengo astean jakinarazi zuten epaileak behin behineko desalojo agindua sinatu zuela. Istorioa berriro errepikatzen da, eta botere judiziala espekulatzaileen mesedetara lanean ikusi ahal izan dugu berriro ere.

Santutxuko gazteok proiektu honetan sinesten dugu, eta jo ta su jarraituko dugu lanean gure auzoan alternatibak eraikitzen, sistema basati honen kontra lanean eta okupatzen!

GAUR ARRATSALDEAN 17.30tan BASARRATE PLAZAN ASANBLADA INFORMATIBOA!

20.15tan MANIA KARMELO PLATIK ABIATUTA!!

GORA UZTALDI! OKUPAZIOA AURRERA!!!!!  EZ DUZUE GURE AMETSAK TAPIATZERIK!

ASANBLADA OROKORRA

Ikastaroa orain dela aste batzuk hasi genuen gazte asanbladan! aste hauetan greba orokorrari lotutako lanketa bat eraman dugu aurrera pelikulak, hitzaldia, mahaingurua eta kalejira eta guzti!!
Hala ere, kurtso honetarako helburuak finkatzeko beharra ikusi dugu, antolaketa modua, aurrerantzean landuko ditugun gaiak...PLANGINTZA eratzeko beharra hain zuzen.
Hori dela eta, eta lan hori ahalik eta parte hartzaileen izateko asmoarekin ASANBLADA OROKOR hau antolatu dugu! ostiral honetan finkuko ditugun gauzak urte osorako agenda markatuko dute ziurrenik, hori dela eta Santutxuko gazte guztioi gonbidapena luzatzen dizuegu, oso garrantzitsua ikusten baitugu zuen parte-hartzea.

OSTIRALEAN 17.30 UZTALDI GAZTETXEAN, denok gara beharrezko!

Santutxuko gazte asanblada

Santutxu antikapitalista, bigarren astea

Nahiz eta gaztetxearen aurkako huste agindua sinatuta dagoen, argi utzi genuen gure plangintzarekin aurrera jarraituko genuela. Hori dela eta, kanpaina antikapitalistarekin jarraituz aste honetan ere ekimenak antolatu ditugu.

Asteazkenean "La doctrina del Shock" documentala izango dugu ikusgai eta hau amaitzean ikusitakoari buruzko mahai inguru bat ospatuko dugu. Arratsaldeko seietan hasiko da dokumentala Uztaldi gaztetxean. Barikuan berriz, hitzaldi eta mahai inguru bat izango dugu gaztetxean CNT eta LAB sindikatuetako eta EHK eragileko kideek lagunduta. Arratsaldeko bostetan hasiko den hitzaldi honetan eragile bakoitzak ordu erdiz krisiaren jatorria, horrela jarraituz gero zein izango den gure etorkizuna eta gazteok honi aurre egiteko zein aukera ditugun azalduko du. Gaiarekin jarraitzeko mahai ingurua eramango dugu aurrera zortzietan bukatzeko, auzoko greba asanbladak deiturik propaganda masiboa egingo baitugu auzoan zehar. Azkenik, bederatzietan, "Txerri Kalejira" egingo dugu Santutxuko kaleetatik gure kezka eta protestak plazaratuz.

Egiozu aurre sistema kapitalistari!

KAPITALISMO ZAPALTZAILEA SUNTSITU!
EUSKAL GAZTERIA KALERA!

Santutxuko Gazte Asanblada

UZTALDI GAZTETXEA DESALOJO ARRISKUAN

Gazte asanbladaren abokatuak jakinarazi zuen atzo identifikatutako gazteak epailearen aurretik pasa ziren egunetik bertatik, irailaren 5etik, dagoela Uztaldi gaztetxearen aurkako huste agindua sinatuta. Ertzaintzak agindu hori jaso zuen momentutik edozein momentutan gauzatu daiteke desalojoa. 

Hala ere, gazte asanbladak argi du honek ezin duela gure jarrera aldatu; gure plangintzarekin aurrera jarraituko dugu lehen geneukan indar eta ilusio berdinez, edo gehiagoz. Kanpaina antikapitalistarekin jarraituz, datorren astean ekintzak izango ditugu gaztetxean, beraz, hurbildu zaitez Uztaldi auzoarentzat beharrezkoa dela aditzera ematera.

Era berean, legediaren zilegitasun eza azpimarratu nahi dugu herritarren aurka egiten baitu beti espekulatzaileen interes berekoiak babestuz. Uztaldi gaztetxea kokatuta dagoen lokalak hamar urte baino gehiago zeramatzan itxita LaCaixa-ren jabegoan eta gazte asanbladako kideok erabilpen bat baino ez diogu eman udalak asetzen ez dituen beharrizanak era autegestionatu batean asetzeko. Dena dela, epaileak berriz ere itxi nahi du lokala batek daki beste zenbat urtez.

Guztion indarra beharrezkoa izango da auzoak gaztetxea behar duela erakusteko eta horren bidean lehen zita igande honetan izango dugu arratsaldeko 6etan ospatuko dugun asanbladan.

UZTALDI AUZOARENTZAT!

OKUPAZIOA AURRERA!

Santutxuko Gazte Asanbladak antolatutako ekimen antikapitalistak santutxuko Uztaldi gaztetxean

Sistema kapitalistak sortutako egoera jasanezin hau dela eta, aurre egin behar zaiolakoan, Santutxuko Gazte Asanbladak kanpaina bat hasi du. Horren baitan aste honetatik bertatik hasita ekimen ugari antolatu dira. Asteazkenean, irailak 12, zinema herrikoia izango dugu Uztaldi gaztetxean arratsaldeko seietan. "Tiempos Modernos" pelikula izango dugu ikusgai, Charles Chaplin protagonistatzat duen gizarte industralizatu eta kapitalista baten kritika. Pelikularen ostean ikusitakoaren inguruan hitz egiteko mahai inguru bat egitea da helburua. Gainera, barikuan, bi gaztek ekonomiari buruzko formakuntza saio bat emango dute bizi dugun krisi honen jatorria azalduz. Arratsaldeko bostetan hasiko da Iturriaga 14an kokatuta dagoen gaztetxean.

Kanpaina honen helburuak, alde batetik, gazteria informatuz Irailaren 26an dugun greba orokorrari begira auzoan aurrera eramango den propaganda kanpainarekin bat egitea, eta bestetik eta nagusiki, kapitalismoa suntsitzeko beharrezko den gizartearen kontzientzia piztea dira.

Besterik gabe, ekimenetara hurbiltzeko gonbitea luzatzea besterik ez zaigu falta.

Izan zaitez kapitalismoaren aurkako iraultzaren parte!

Uztaldi Gaztetxearen inaugurazioa eta Ipuin erotikoen lehiaketa

Jaiak bukatu eta berriz ekin diogu blogean argitaratzeari. Gaurkoan Santutxuko gaztetxearen inaugurazio jaialdia eta jaien lehen igandean ospatu zen ipuin erotikoen lehiaketako irakurketa komentatuko ditugu.

Jaien hasieraren aurreko egunean ospatu zen Uztaldi gaztetxearen inaugurazioa, uztailaren 13an alegia. Santutxuko gazte asko eta asko hurbildu ziren bertara, baita beste auzo batzuetakoak ere. Giro paregabean luntxa dastatu bitartean okupazio eguneko eta lan egun ugarietako argazkiak ikusteko aukera izan genuen gaztetxera gerturatutakoek. Jaialdia gauerdirarte luzatu zen udaltzaingoa ondoko portalean sartzen ikusi genuen arte, ziurrenik auzokideek deituta. Ostiral gaua izan arren, auzokideren batek aurretik ere erakutsitako abiatutako proiektu auzotar honen kontrako jarrera berriz ere nabarian geratu zen. Hala ere oso balorazio positiboa atera genezake. Hona hemen jaialdiko argazki batzuk:

Ostiral hori zen hain zuzen ere ipuin erotikoen lehiaketan parte hartu nahi zutenek ipuina aurkezteko azken eguna. Bi egun geroaro, jaietako lehen domekan, egin zen ipuinen irakurketa, eta zita honetara ere jende nahikotxo hurbildu zen. Hiru ipuin aurkeztu ziren eta hiruren irakurketaren ostean entzule guztiek hartu zuten parte irabazlearen erabakitze lanean. Banan banan hiru ipuinen izenburuak irakurri ziren eta txalorik gehien lortu zuenak irabazi zuen, "Zer usain du fikzioak?" izenburuduna.

ZER USAIN DU FIKZIOAK?

Gaur ere zurrungaka dut ohekidea aldamenean, urrun, nire negar intziriei muzin eginez. Malkoz blaitu ditut maindireak, isilean, plazer zukuaren garraztasunak aspaldi ohea zipriztintzea zer den ahaztuta.

Mugikorreko argiak eten du negar malkoen emaria eta irribarre txiki bat marraztu da nire ezpainetan, urrutitik ezezagun baten gabon musuaren kilima epela sentitzean.

Bat-batean zurrungak eten dira. Isilune luzeak hondoratu du logela, bakarrik gelditu naizen arte. Bakarrik gaude, urrutiko ahotsa eta ni. Ikusezina den fikzioa, ezin uki dezakedana eta ni. Zer usain du fikzioak?

Halaber, izerdi guruinek sentitzen dute bere presentzia. Behatz puntek badakite nirekin norbait dagoela dardarka hasten direnean, gorputzeko hile txikiena ere erraz tentetzen denean eta klitorisak ahots xume bezain lotsatiz ukitzeko erregutzen didanean. Norbait dago nire aldamenean ate joka, eta fantasia deitzen dela esan dit.

Biluzik sartu da nire logelara, gerri ingurutik dena gardentzen duen oihal soil batez. Pixkanaka makurtu eta belarrira xuxurlatu dit leunkiro, gaur gauean bere mandatu pean nagoela. Agintezko berben oihartzunaz, aise umeldu zait bagina. Begiak itxi ditut fantasiaren oasira heltzeko, baina galduta nago jada.

Agudo, esku latzek nire bular mamitsuak atzaparkatu dituzte ezbairik gabe. Eta titi buru gogortuen erupzio kontrolaezina zurrupatuz, asetu du tarte baterako desioa. Behatz ligorrek nire gorputzeko bihurguneak arakatzen jardun dute geldiro, baina pausaldi barik, jada aspaldi, lehen hasperenaz, umelduta zegoen maginara heltzeko. Ezpain handiek ez dute ukitu berezirik behar izan, atez ate baginarainoko sarrera irekirik agertzeko. Magina urtsuaren etengabeko garrasia kontrolaezin bilakatu da, zakilaren loditasunaz barrenak betetzea da bere desioa. Baina erreguei jaramonik egin gabe, behatz puntaren kilimaz konformatu behar izan naiz. Nire nahia eta egonezina areagotuz joan dira erreguka hasi naizen arte. Intzirika, izerditan sufritzen, nire senetik at nago jada. Eta orduan ahots leunez, berak agintzen duela esan dit, bera dela nagusia eta ez dudala gozatuko berak gura ez badu.

Izotz puskez jelatu dit sexu gosea, bere sakila nire hanka artean igurtziz, eta berotasun oro izotz pusketan geratu da gatibu, izotza zeharo urtuz. Orduan bere zakila mihizkatzera behartu nau, kokotetik bortizki helduz. Muxu xume lotsatiak eta mihizkada laburrak eman dizkiot hasieran, zakila goseti zurrupatu dudanera arte. Eta maltzurki disfrutatu dut, bere arnas etenak gero eta laburragoak, gero eta estuagoak bilakatu direla ziurtatzean. Momentu horretan boterea nirea dela xuxurlatu diot belarrira eta orgasmora heltzeko debekua ezarri diot krudelki.

Berba horiek entzute soilaz, eskumuturretatik heldu nau bortizki, ohean etzanez eta bere zakila nire maginara zuzenduz gezi zorrotzenaren eran. Ipurdi masailetatik estuki heldu eta paretaren kontra jalgi nau behin eta berriz, bere zakila bortizki nire magina humelean sartu eta atereaz, eta izerdiko lurrinak ikusmira lausotuta iritsi naiz plazerraren klimaxera, garrasi orroen artean, konortea galduta.

Ohekidearen zurrungez esnatu naiz gaur ere, baina irrifartsu, bart gauean fikzioa dastatu dudalako. Zer usain du fikzioak?


Ipuinaren egilea, zoritxarrez, ez zen irakurketara aurkeztu, eta beraz, ez zuen saria jasotzerik izan. Idazleak sarrera hau irakurriz gero eta saria jaso nahi izanez gero, Uztaldi gaztetxetik pasatzea baino ez du merezia duen saria jasotzeko. Arratsalde horretako argazki batzuk ere argitaratuko ditugu:

Santutxuko Gazte Asanblada