KUADRILEN EGUNA 2013

Beste urte batez, Martxoa heldu eta Kuadrilen Eguna gerturatzen da. Aurten ere egitarau oparoa antolatu dugu Santutxuko Kuadrilen Batzordetik Martxoaren 16ko larunbaterako. Egunari pintxoak prestatuz emango diogu hasiera goizeko hamaiketan, ordu bietan baitugu berauen aurkezpena. Jarraian sari banaketa eramango dugu aurrera. Halaber, prestatutako pintxoez gain bazkari herrikoia izango dugu, eta bazkaloste irrifartsua eskeiniko diguten antzerki komiko bati esker. Hau amaitzean, eta auzoan horrenbeste arrakasta dutela ikusita, mus, ping-pong eta dardo txapelketak ospatuko ditugu. Bi orduz luzatuko dira lehiak, auzoan zehar ibiliko den elektrotxaranga batekin bukatzeko.  Egun polita espero dugu benetan.

Bideoklip lehiaketa ere gogoratu nahi dugu mezu honen bitartez, aurten apirilan izango baita. Beraz, zuen kuadrilekin hitz egiten hastera animatzen zaituztegu lehen bai lehen lanean jar zaitezten,

Santutxuko Kuadrilak

SGA auzoko inauterietan

Badatoz auzoko inauteriak! Ostiralean hasi eta iganderarte luzatuko dira eta ekintzaz beteta datoz gainera. Ostiralean pailazoak, albokariak eta bertsolariak izango ditugu ikus etan entzungai. Larunbatean, aldiz, Gaztedi dantza taldearen eskutik dantza ikuskizunak izango ditugu eta igandean egun handia. Hamabietan izanik desfilea, goizeko hamaiketan jarri du gazte asanbladak geratzeko ordua, gauzak behar bezala prestatzeko. Eguerdian bazkaria izango dugu ere, gazte asanbladak parrillada prestatuko baitu. Eta arratsaldeko seietan DJa izango da Arsuaga plazan. Zitarako Kuadrilen batzordeak barra bat jarriko du gainera Sei Izar plazan eguerdiko ordu batetatik iluntzeko zortziak arte.

Gazte asanbladak ez du desfilean eramatekoak guztiz amaitu, eta beraz, eguaztenerako, 13, lan eguna deitu du bostetan auzoko herriko tabernan. Mozorroaren nondik norakoak oraindik ez dakizkienarentzat eroan beharreko guztiaren errepasoa ere egingo dugu.

Kaleetan ikusiko dugu elkar!

SGA

Zukgua prozesuko talde motorraren oharra

Kaixo gazte!

Azkenengo asanblean egon ez zinetenentzako: gazte antolakunde berriaren prozesu eratzailea bukatzear dago, horregatik, orain arte dinamizatzen egon garenok talde motorra disolbatzea erabaki dugu, jadanik ez daukalako zentzu handirik horrekin jarraitzea.

Honen ondorioz ostiral honetan, otsailak 8, arratsaldeko 5etan santutxuko herriko tabernan geratu gara bi helbururekin: alde batetik, gazte danbadaren (martxoak 29,30,31 eta apirilak 1ean burutuko den gazte topaketaren) kanpaina komunikatibo bat egiteko eta bestalde auzoan nola antolatuko garen eztabaidatzeko lan talde bat egiteko.

Honekin batera, martxoak 2an gazte antolakunde berriaren aurkezpen publikoa egingo dela jakinarazten dizuegu, guztiak zaudete gonbidatuta, hona hemen informazio gehiago: http://topatu.info/martxoaren-2an-eratuko-da-gazte-antolakunde-berria-zutik-euskal-herria-ebazpena-bere-eginda/

Ondo segi! Ta ostiralerarte!

Edozein zalantza izan eskero emailera idatzi! (zukguastx@gmail.com)

MOZORROA PRESTATZEKO LAN EGUNAK

Hilabete honetako 18an aurkeztu genizuen aurtengo auzoko ihauterietarako proposatzen genuen mozorroa. Aurkezpenaren ostean luntx txiki bat izan genuen eta poteo batekin jarraitu. Sarrera honen bitartez bai mozorroa bai karroza prestatzeko lan egunak jakitera eman nahiz dizkizuegu. Aste honetako eguenean, Urtarrilaren 31an, emango diogu hasiera prestaketari goizez 11tan eta arratsaldez 17:30tan, auzoan gaztetxe baten faltan, Alde Zaharreko gaztetxea den 7Katun. Hurrengo asteko martitzen eta eguenean ere (Otsailak 5 eta 7) zita izango dugu ordu berean eta leku berdinean. Behar izanez gero, hurrengo asterako (11-17 bitartekoa) ere zehaztuko genituzke lan egunak.

Materiala bertan izango dugu eta aurkezpenean egon ez zinetenentzako azalpen berri bat egingo dugu. 

Bertan ikusiko dugulakoan,

SANTUTXUKO GAZTE ASANBLADA

SISTEMA ZURE BAITAN IRAULI! Jendartean inposatutako baloreen inguruko eztabaida

Egungo jendartearen egoera kezkagarria dela eta fustsezko ikusi genuen jerdarte honen baloreen gainean eztabaidatzea. Pairatzen dugun sistema kapitalista patriarkarrak balore jakin batzuk aurrejartzen ditu bere biziraupena bermatzeko. Halaber, errespetuan eta elkarkidetzan oinarritutako baloreak alde batera usten ditu gizakion arteko harremanen zoritxarrerako.

Gure inguruan ere oso zabaldutako baloreak dira eta jendea barneratuta dituelaren jakitun ez dela da txarrena. Auzoan, jendearen kontzientzia pizte bidean, eman beharreko eztabaida ezin garrantzitsuago bezala ikusten dugu eta, aurreko hilabeteko terminologia barneratzeko zitaren ostean, behingoz ospatzea erabaki dugu.

Urtarrilaren 30ean, aste honetako eguaztenean, izango dugu horretarako aukera arratsaldeko zazpietan auzkoko AEKren egoitzan (Padre Pernet 9).

Parte hartzeko gonbitearekin amaitu nahi dugu, ANIMATU ETA ETORRI!

SANTUTXUKO GAZTE ASANBLADA

Auzoko ihauterietarako SGAren mozorroaren aurkezpena!

Otsaila aldean urtez urte datozkigu ihauteriak auzora. Aurten otsailaren 17an ospatuko ditugu eta urtero leegez Santutxuko Gazte Asanbladak mozorro bat aurkeztuko dio auzoari, edukiz beteriko mozorroa beti. Aurkezpen egunean jaialditxoa egin ohi dugu, eta aurten ere luntxa egongo da eta poteoa jarraian. Ostiral honetan, urtarrilak 18, eramango dugu aurkezpena aurrera arratsaldeko zortzietan Arsuaga plazan. Besterik gabe, gurekin ihauteriak ospatzera animatzen zaituztegu, eta, mozorrotuz, zirikatzera! 

Ostiralean ikusiko dugu elkar!

Santutxuko Gazte Asanblada

DISEINU GRAFIKO, TXALAPARTA ETA EUSKAL DANTZA IKASTAROAK

Martitzen honetan, urtarrilak 8, (eta ez eguazten 9 hasiera baten esan bezala, parkatu eragozpenak) diseinu grafiko ikastaroari hasiera emango diogu. 19:30tan izango da zita auzoko Herriko tabernan, eta lehen klase honetan aurkezpen bat eta beharrezko tresnen instalazioa baino ez dugu egingo. Beharrezkoa ez den arren, bikote edo taldeka ere jarri daitekelako jendea, ordenagailua eramatea gomendatzen dizuegu. 

Txalaparta eta dantza ikastaroen data eta orduak ere badaude zehaztuta. Txalaparta ikastaroa urtarrilaren 16an hasiko da, eguaztena, eta Arsuaga plazan (LaZona) izango dira klaseak. Dantza ikastaroa ere bertan emango da, urtarrilaren 18an hasita, bi barikurik behin izango direlarik klaseak. Azken bi ikastaro hauek arratsaldeko seietan izango dira.
Animatu zaitezte eta parte hartu ezazue!

Han ikusiko dugulakoan, 

asialdi sistema alternatiboa garatuz, SANTUTXUKO GAZTE ASANBLADA