Gaztetxean gorabeherak

Ez dira lasaiak izaten ari azken egunak Santutxuko gaztetxean. Atean jasan genituen erasoen ostean, berriz ere izan dugu gure lagun maiteen bisita. Asteazkeneko arratsaldeko zazpiak inguru zirela eta gazte asanbladako kide batzuk gaztetxerantz gindoazela, udaltzaingoen kotxe bat ikusi genuen inguruko autobus geltoki batean geldirik. Apur bat gehiago gerturatu ginen eta udaltzaingoak gaztetxearen atean zeudela ikusi genuen. Hau ikusita barruan zeudenei abisua emateko erabakia hartu genuen telefonoz deituz. Alferrik izan zen baina, barruan zegoen norbaitekin eman baino lehen gaztetxean lanean zebilen gazte batek gaztetxetik alde egiteko atea ireki baitzuen udaltzaingo bikotearekin topo eginez. Momentuan atea ixtea lortu zuen udaltzainak barrura sartzea oztopatuz baina identifikatu egin zuten. Gazteak azalpenak eskatu zizkien eta udaltzainek eraikin baimenaren bila zetozela esan zioten orduan. Honek banketxearen salaketarik ez dagoela pentsatzera eramaten gaitu, berri ona dudarik gabe. Jakin badakigu, baina, Bilboko udala “La Caixa”-rekin harremanetan jarri dela bere lokalaren egoeraren berri emateko. Guk, guzti honen gainetik, gurearekin jarraituko dugu eta astelehenetik ostiralera arratsaldeko bostetan eta larunbatetan goizez hamaiketan eta arratsaldez bostetan aurrera eramango diren lan egunetara hurbiltzeko deia zabaltzen dugu.

Santutxuko Gazte Asanblada

Ostiralean, maiatzak 4, jai ikaragarria auzotik

Jai ikaragarria izango dugu ostiral hontan, maiatzak 4, auzotik Santutxuko Kuadrilek antolatuta. 20:30tan emango diogu hasiera jaiari Maskarradak girotutako auzotik zeharreko poteoarekin. 22:00tan auzoko Herriko Tabernara hurbilduko gara bertan jaia jarraitzeko Disko-Gau apartarekin. Bertan doinu ezberdinak entzuten ditugun bitartean kutre-tonbolaz eta edari bereziez gozatzeko aukera izango dugu jaia gaueko ordu txikiak arte luzatuz. Bertaratu eta gurekin gozatu!

Santutxuko Kuadrilak

Gaztetxearen aurkako erasoak

Hori ezustekoa hartu dutena gaur lan egunera hurbildu diren gazteak! Zerradura izorratuta... Hala da, pasta antzekoren bat sartu izan du norbaitek zerraduran, sartzea ezinezko bilakatuz. Hau ez da izan, tamalez, lehenengo aldia. Izan ere, igandean bertan, gauza bera gertatu zen. Hara bertaratu gazte asanblada egiteko asmoz eta ezin sartu. Pertsonaren bat, beraz, gaztetxe berriaren kontra dabil.

Hauek ez dira izan aste honetan pairatu ditugun eraso bakarrak. Astelehenean, eta gaztetxearen barruan hamar bat lagun lanean zenbiltzatenean, gure udaltzaingo maiteak bertaratu ziren. Dozena erditik gora, behin eta berriz atea joka.

Jakin badakigu pertsona bakar bat izan daitekeela etengabean gure kontra dabilena. Eta esan beharra ez dugula inolaz ere horrelako jarrerarik onartuko.

Lehenengo momentutik bertatik inguruko bizilagunei harremanetan jartzeko bideak eskaini diegu, inongo arazorik izatekotan gurekin harremanetan jartzeko, eta zenbaitek hala egin dute. Horretaz aparte lan-egunak goiz bukatzen ditugu, goiko bizilagunak ez molestatzeko.

Ez dira errazak izaten ari proiektu honen lehen pausuak. Dena den, eraso hauen aurrean okupazioarekin abiarazi genuen proiektu berriaren alde indar gehiagoaz lan egingo dugula azpimarratu nahi dugu. Eta, nola ez, Santutxuko gazte guztioi bihar eta hurrengo egunetan egongo diren lan egunetan parte hartzeko deia luzatu!

Santutxuko gaztetxe berria komunikabideetan

Azkar zabaldu da Santutxuko okupazioaren berria komunikabideetatik eta saretik. Topatu, Berton, Gara, Berria..eta pasa den asteartean, irratien txanda izan zen. Izan ere, Irola eta Tas Tas irratiek berria zabaldu zuten. Horretarako, Gazte Asanbladaren bi kiderekin elkarrizketatu ziren.

Okupazioaren nondik norakoak komentatzeaz gain azken hilabeteetan gazte asanbladaren ibilbideaz eta etorkizunerako planen inguruan ere mintzatu ziren. Eta horrekin batera, Bilboko gazteoi hurbiltzeko deia luzatu ere.  Jarraian Tas tas irratiko elkarrizketaren linka uzten dizuegu.

http://tas-tas.org/web/index.php/es/suelta-la-olla/1401-nuevo-gaztetxe-en-santutxu

Bestaldetik, gogoratu beharra dago lanegunak aurrera doazela, eta lokalak, gutxinaka gutxinaka bada ere, gaztetxe forma hartuz doa. Asko izaten ari da hurbiltzen ari den jendea,  auzokoa zein Bilboko beste auzoetako. Guztion izerdiari esker, proiektua aurrera doa!!!

GOGORATU-> GAUR POTEO MUSIKATUA!!!!!

Gaztetxearen okupazioa ospatzeko....POTEO MUSIKATUA!!

Asteburuko okupazioaren eta aste osoaren lanaren ostean...garaipen txiki hau ospatzeko unea helduko zaigu ostiralean!!! Gaztetxetik abiatuko den poteo musikatu baten bidez hasiko da arrastia, luntxarekin jarraitu eta...norberak jakingo du noiz bukatuko!
Ostiralean, egunero bezala, laneguna egongo da 17.00tatik aurrera, gaztetxea txukuntzen jarraituko dugu astelehenean hasitako bidea jarraikiz.. geroago, 20.00etan poteo musikatua hasiko da auzoko kaleetan barrena, ondo pasatzearekin batera auzoari gaztetxea okupatu dugula helaraziz. Bukatzeko, luntx goxo-goxoa egongo da, gazte asanbladaren eskutik.

Denok zaudete gonbidatuta!!!!!

Pentsatuz apurtu
Ekinez eraiki

Santutxuko gaztetxe berriaren izena

Santutxuko gaztetxe berriaren izen proposamen epea hasi da! Gerturatu gaztetxera eta sartu proposamen-buzoian zuen izena deskirbapen labur batekin batera. Posta elektronikoz ere bidali dezakezue zuen proposamena santutxukoga@gmail.com helbidera. Deskribapenean izenak gaztetxearekin ze erlazio duen zehaztu behar da. Zorte on parte hartzaile guztioi!

GAZTETXEA ERAIKITZEKO BIDEAN....DENOK LANERA!!!

Egun pare bat pasa dira dagoeneko Santutxuko gazte asanbladak Iturriaga 14ko lokala okupatu zuenetik, gaztetxe bihurtzeko asmoarekin. Orain denok lanean jarri eta amesten dugun gaztetxea eraikitzeko momentua da. Argazkitan ikus dezakezuenez, nahiko egoera onean dago, baina, hala ere, gogor egin beharko dugu lan txukun utzi arte.
Hori dela eta, hurrengo asteetan zehar lan-egun ugari jarri ditugu: astelehenetik ostiralera 17.00tatik aurrera, eta larunbatean goizez 10.00etatik eta arrastiz 17.00etatik aurrera.
Lana soberan dago, hortaz auzoko gazte guztioi bertaratzeko, ikusteko eta lanean jartzeko deia luzatzen dizuegu..


Autogestioaz gaztetxea eraikiko dugu!!


Santutxuko gazte asanblada